Nang matapos niyang kunan ang mag-aama kasama ng iba pa, nilapitan siya ni Jacob at hinatak sa kamay. “Come, Ate Ikay. Take a picture with us,” yaya nito sa kanya. Kasalukuyang kasama nito ang ama at mga kapatid.
Masuyo naman siyang umiling dito. “Huwag na, Jacob... Nakakahiya,” aniya sabay lingon kay Leandro.
“Huwag ka ng mahiya, Ikay. Join us,” ang sabi naman ni Leandro na ikinagulat niya. She wasn’t expecting him to say that.
Nang lingunin niya sina Enrico at Alejandro ay tumango ang mga ito. “Oo nga, Ate Ikay. Join us,” sabay pang wika ng dalawa.
Wala namang nagawa si Chesca. Nag-aalangan siyang tumango at lumapit sa mga ito.
“Eh, sinong kukuha ng pictures sa ‘tin?” wala sa sariling tanong niya, pagkatapos ay nakita niyang mabilis na lumapit sa kanila si Caren.
“Ako na po,
