“Ikay?” pukaw nito sa naglalakbay niyang isip.
Kaagad niyang inubos ang tubig. At dahil mukhang nabusog siya ng husto, bigla siyang napadighay sa pagmumukha mismo ni Leandro. Napapikit naman ito sa kanyang ginawa.
“Whoaahh!” sabi nito sabay pilig ng ulo. “Ano bang kinain mo?” anito na mukhang nalanghap yata lahat ng baho mula sa bibig niya. Maasim na maasim ang mukha nito ng magmulat ng mga mata.
“N-Naku, Sir, pasensya na. Nabusog ako masyado,” namumula ang mukhang sabi niya dito. Hindi siya lalo magkaintindihan sa harap nito. Gusto na niyang lumubog sa kinauupuan ng mga sandaling iyon.
Ang patis na may sili ang may kasalanan noon! sigaw niya sa isip sabay tigin ng masama sa sawsawang nasa harapan. Animo’y tao ito na gusto na niyang tirisin sa sobrang pagkapahiya.
Narinig niyang
