Isang malalim na buntong hininga ang pinakawalan ko, nakayuko ako sa mga oras na iyon dahil abala ako sa paglanghap ng sariwang hangin upang punan ang naghihingalo kong puso.
Tila ba ano mang oras ay mapapanawan ako ng ulirat, nanghihina ang sistema ko dahil sa pinaghalu-halong emosyon na nararamdaman ko.
Higit pa roon ay para nang kakawala ang puso ko dahil sa mabilis na pagririgodon nito, nagmistulan pang may humahabol na kabayo sa akin dahil sa doble at mabigat kong paghinga.
Tumingala ako, makailang beses akong napalunok sa sariling laway upang bigyan ng layang makahinga nang maluwang ang dibdib ko. Wala pa sa sariling napangiti ako.
Hudyat din iyon upang tuluyang buksan ang malaking pintuan sa simbahang iyon para sa pagpasok ko. Isa ito sa pinakadinarayo rito sa Cordova City.
Buk
