Abot-abot ang pagtahip ng puso ko sa naging sitwasyon naming iyon ni Felix, ako na nananatiling nakakapit sa kaniyang leeg habang siya ay mahigpit ang pagkakayakap sa baywang ko.
Ilang dangkal ang pagitan ng mukha namin kaya halos maduling ako, hindi rin malaman kung saan babaling o titingin gayong naabutan ako nitong nakatitig sa kaniyang labi. Tsk, nakakahiya.
Mahinang natawa si Felix dahilan para mapapitlag ako. Anong itinatawa nito? Kalaunan nang nakangisi siyang nagbaba ng tingin sa labi ko, kapagkuwan ay kinuha ang isang kamay ko.
Inilagay niya iyon sa kaniyang dibdib, katapat sa puso nitong malakas ang pagpintig. Animo'y pinapantayan ang akin na wala ring paawat at hindi mapipigilang pagririgodon.
Sa oras na iyon ay parang kami lang ang nagkakaintindihan. Samdaling tumigil ang p
