“Kuya,” pagtawag ni Dennise kay Rex. Naabutan niya itong nakatayo sa may terrace at tulalang nakatingin sa malayo na tila may malalim na iniisip. “Kuya,” pagtawag niya muli sa nakakatandang kapatid dahil hindi siya nito pinansin.
Kumunot ang noo ni Dennise. “Kuya!” tawag niya ulit kay Rex saka niya kinalabit na ito sa kanang balikat.
Bumalik si Rex sa kanyang sarili nang maramdaman niya ang kalabit ni Dennise sa kanya. Kaagad niya itong tiningnan.
“Dennise?” patanong na pagbanggit ni Rex sa pangalan ni Dennise. “May kailangan ka ba?” nagtatakang tanong niya pa.
Bahagyang sumimangot si Dennise. “Tulala ka diyan, Kuya. Mukhang may malalim kang iniisip,” aniya. Ngumiti ito ng tipid “Hanggang ngayon ba ay naiisip mo pa rin ang sitwasyon niyo ni Danica?” patanong pa niyang sambit sa kuya ni
