Magmula nang malaman ni Angelo ang pagdadalan-tao ni Dennise ay halos sa misis na niya umikot ang kanyang mundo. Alagang-alaga niya ito at kaagad na dumideretso sa asawa kapag uuwi na galing trabaho.
Labis naman na natutuwa si Dennise dahil nakikita niya kay Angelo ang pagiging isang ulirang mister at ama. Mas lalo tuloy nahuhulog ang loob niya kay Angelo at sa tingin niya, hindi na siya makaka-ahon pa sa pagkahulog niyang ito na gustong-gusto naman niya. Masaya siya sa mga nararamdaman niya para sa kanyang mister.
Gayunpaman, hindi pa rin nawawala kay Angelo ang nais na maghiganti kay Danica. Patuloy pa rin ang imbestigasyon tungkol sa nawawalang pera ng kumpanya. Hangga’t hindi niya ito napapanagot ay hindi niya ito titigilan. Sisiguraduhin niyang mapagbabayad niya ito sa lahat ng kas
