Makalipas ang pitong buwan. Unti-unti ng bumabagsak ang katawan ni Sophie dahil sa sakit nya. Sumobra na ang pamumutla nya. Halos hindi na din sya nakakabangon sa higaan dahil wala syang lakas. Malaki na ang tiyan nya at natatakot sya na baka pati ang bata ay naaapektuhan na dahil hindi sya makapunta sa Ospital dala ng bigat ng katawan. Kahit wala syang gana sa pagkain ay pinipilit nyang malamnan ang tiyan nya. Lahat ng masusustansyang pagkain na ibinibigay sa kanya ni Shiloah at Jacint ay pinipilit nyang kainin ng sa gayon ay may sustansyang nakukuha ang anak nya mula sa mga kinakain nya.
Lingid sa kaalaman nya ay tinawagan pala ni Shiloah ang kanyang mga magulang sa Maynila. Hindi na nito makayanan ang mga paghihirap nya at mas mabuti na daw na malaman ng mga magulang nya ang tungkol sa
