Naganap na ang kasal ni Leonhart at Tanya ng ganoon lang kabilis. Alam ni Leonhart na mabigat ang desisyon nyang iyon pero ginawa pa din nya alang-alang sa anak nya. Mahal nya si Sophie, mahal na mahal nya ito at kahit kailan ay hindi mawawala ang pagmamahal nya para sa sa dalaga. Pero ngayong wala ito ay kailangan din nyang panindigan ang pagiging isang ama para sa anak nya. Alam nyang hindi ito madali. Nakatali na sya sa iba at nahihirapan din syang isipin kung ano ang mangyayari kapag nariyan na si Sophie. Ang unang nasa isip nya ay maghihiwalay din sila ni Tanya kapag naisilang na ang bata. Magpapa-annul sila. Ginawa lang nyang pakasalan ito para mabantayan muna ito dahil sa panggugulo ng ama nito sa kanila. Kailangan nyang may panghawakan at ito lang ang tanging paraan na naisip nya.
