Nasa Lingayen Pangasinan ang Buzz Tone ngayong gabi. Sila ang naimbitahan ng Mayor para sa kapistahan ng lugar. Kasalukuyan silang kumakain sa bahay nito at napakainit ng pagtanggap nito sa kanila.
"Ang dami ng tao sa labas. Tiyak na kanina pa nila kayo hinihintay. Excited sila sa pagdating nyo," anang Mayor sa kanila. Tahimik lang na kumakain si Leonhart habang nakikinig sa pagsasalita nito. Halata ang pagkagalak sa mukha ng Mayor.
"Maraming salamat din po Mayor sa tiwala na ibinigay nyo samin upang tumugtog ulit sa lugar ninyo. Isang karangalan po ito para samin," sagot naman ni Zach.
"Walang ano man. Sige, kain lang kayo marami pang pagkain dyan. Lalabasin ko lang muna ang mga tao para sabihing malapit na nila kayong marinig," nakangiting sabi ng Mayor. Bumaling ito ng tingin sa kany
