CHAPTER 9
Out
Sa mga araw na nakasama ko si Jinx, hindi ko kailanman nakitang may galit ang mga mata niya. Ngayon pa lang. Kaya naman sobrang nakagugulat ang makita siyang ganito ngayon.
Nag-igting ang panga niya. Ang marahan niyang mga mata ay napuno ng galit.
“I’m useless,” panimula niya.
Napaawang ang labi ko nang marinig ang ganoong klaseng pangungusap sa pinakapositibong tao na nakilala ko.
Jinx…
‘Yon pa lang ang nasasabi niya pero nangilid na agad ang mga luha ko.
“Hindi ko man lang nagawang protektahan ang Lolo, pinsan at kapatid ko,” dagdag ni Jinx.
Ikinuyom niya ang kamao niya.
“Bakit? Ano ba’ng nangyari?” maingat na tanong ko, inoobserbahan ang magiging reaksyon niya. “K-Kung okay lang naman sa ‘yo na magk’wento…”
Tangina! Hindi ko tuloy a
