HARUROT ng jeep at busina ang narinig ko sa labas, at sa karsada ay iba't ibang uri ng sasakyan ang nag-uunahan. Lahat ay nagmamadali kahit Linggo. Kung tutuusin ay mahina pa ito, dahil kapag Lunes -- halos magkaroon ng stampede sa pag-aagawa sa jeep kahit may pila naman.
Nagkunwari akong hindi narinig ang tanong n'ya pero nagpatuloy s'ya.
"Alam kong narinig mo ako, Shen. Ang sa akin ay paalala lang. Anak s'ya nina Senyora at kahit hindi ko sabihin ay alam mong malayo ang nakagisnan natin sa pamumuhay nila."
Napapikit ako at huminga ng malalim. "Ate Leng, walang --"
"Nakita kitang lumabas ng kwarto n'ya kahapon at pulang pula ka. Halos mangalaglag nga ang mga panglinis mo at para kang hinahabol ng sampung kabayo," bumungtong hininga s'ya. "Hindi ko itatanong kung anong namagitan sa i
