"YUKI, kumusta na pala si Ate Misuke? Hindi ko na siya nakikita lately, ah," tanong ni Takeru kay Yuki habang palabas sila ng school gate.
"Masyado lang siguro silang busy sa graduation nila," kibit-balikat na sagot niya kasabay ang isang buntong-hininga. Mismong siya ay hindi alam kung ano ang nangyayari sa ate niya. Hindi ito pumasok sa klase noong isang araw. Hindi rin ito umuwi sa kanila noong gabing iyon at alam niyang hindi ito natulog sa bahay ng isa sa mga kaklase nito. Umaalis ito ng bahay nang hindi nagpapaalam sa kanya. Madalas itong tulala at parang may malalim na iniisip. Higit sa lahat, nakita niyang isinuot nito ang paborito nitong hood na pag-aari umano ng nanay nitong yakuza. Hindi niya gusto ang nangyayari.
"Hoy, Yuki! Bakit bigla kang natahimik diyan?" natatawang untag
