"OH, Nagara! Ang aga mo yata? Hindi ka sa Kugayama natulog kagabi?" tanong sa kanya ng kagigising lang na si Genji.
"Hindi. Nagbago ang isip ko. Ayokong makita ang pagmumukha ng Tera na iyon," sagot niya habang nakatingin sa labas. Nakatayo siya sa labas ng bahay habang hinihintay ang pagbukangliwayway.
"Hanggang ngayon ba naman galit ka pa rin sa kanya? Wala na si Watanabe. Hindi ba dapat ayos na ang lahat?"
Humarap siya rito. "Hindi maayos ang lahat, Genji. Mas lalong gugulo dahil sa pagkamatay ng hayop na iyon. Ang malala pa, ako ang pinaghihinalaan ni Kazumi na pumatay sa kanya."
"Tinanong ka lang niya. Hindi ibig sabihin no'n, pinaghihinalaan ka na niya." Tinapik nito ang kanyang balikat. "Kilala mo si Kazumi. Kahit pa ginawa mo iyon, hindi ka niya ipapahamak."
Napangiti siya sa
