SA labas pa lang ay dinig na dinig na ni Kazumi ang malalakas na boses ng mga kaibigan niya. Hindi niya nagustuhan ang kanyang nasaksihan pagdating niya roon. Ang mga kaibigan niyang nag-aaway-away nang dahil sa kanya, that's the last thing she wanted to see.
"Ano nama’ng drama n'yo at nagsasapakan kayo rito?" galit na tanong niya nang pumasok.
Si Terajiko ang agad lumapit sa kanya. "Kazumi, okay ka lang ba?" nag-aalalang tanong nito.
Imbes na sumagot, sinapak niya ito. "Sa tingin mo okay ako na nakikita ko kayong nag-aaway ngayon?"
Tumilapon si Terajiko sa sahig. Hindi rin nakahuma ang iba pa.
"Ganoon ba ako katanga sa tingin ninyo para tawagan ko kayo at papuntahin lahat sa graduation ko gayong alam kong pupunta si Daddy at mga kasamahan niyang pulis? At ganoon din ba kayo katanga p
