"BAKIT ka dumating? Niloko na nga kita, tinulungan mo pa ako," tanong ni Yuki kay Yamiko nang medyo nakabawi na siya sa iniindang sakit sa katawan. Dinala siya nito sa damuhan sa tabi ng kalsada habang pinupunasan ang dugong dumungis sa mukha niya.
"Sinabi ko naman sa iyo, hindi ba? Tapat ako sa pangako ko. Isa pa, hindi ko kailanman pinapabayaan ang kahit sino sa mga mahal kong estudyante," sensirong sagot nito kasabay ang isang ngiti.
"Ganyan ka ba katanga?"
"Ha?"
"Wala!"
Ginulo nito ang kanyang buhok. "Pasaway ka talaga!"
Nainis siya at mabilis na itinakwil ang kamay nito. Bigla kasi niyang naalala ang kanyang ate. She was supposedly the one to always come for him when he's in trouble. Heto't ang gurong niloko pa niya ang tumulong sa kanya.
"Masaya ako at tinupad mo na ang pangak
