"ANO'NG nangyari? Bakit may sasakyan ng pulis sa labas?" tanong ni Yuki kay Takeru pagpasok niya sa kanilang klase.
"Andito sila para imbestigahan ang pagkamatay ni Watanabe," sagot nito.
"Watanabe?" parang nabibinging tanong niya. Bigla na lamang kumabog ang kanyang dibdib. "You mean si Jun Watanabe ng Ara High?"
"Oo, iyong nakalaban natin noong huli. Pinatay siya kagabi sa mismong hideout nila. Iniimbestigahan ng mga pulis lahat ng posibleng suspect, at isa tayo roon."
"Kalokohan!"
"Kung ako sa killer na iyon, umamin na lang siya. Mapapadali pa ang kaso, bababa pa ang sentensya na!"
Sabay silang napalingon nang pumasok sina Yamato, Satoshi at Kuga.
"Oh, Take! Andito ka na pala. Bakit hindi ka sumabay sa amin?" tanong ni Tsuchi.
"May dinaanan kasi ako kanina tapos dumiretso na ako
