Suntok sa buwan iyon ang tumatakbo sa isip ni Max, matapos isara ni Melissa ang bintana ng kanilang balkonahe. Hindi siya sigurado kung lalabasin ba siya nito o mananatili na lamang sa loob ang dalaga. Tumalikod na siya….naiisip na niyang hindi na siya bababain nito. Nakarinig siya ng langitngit ng gate, dali-dali siyang lumingon…. nakita niya ang dating nobyang nakatayo sa may tarangkahan nila. Nangilid na ang luha sa kanyang mga mata, malalaki ang hakbang niyang pinuntahan agad ang dating nobya.
Sinapo niya ng dalawang kamay ang mukha nito, pinagsawa ng tingin ang mata. Pagkaraan ng ilang buwang hindi niya ito nakita nangulila siya ng labis. Niyapos niya ito nang mahigpit, hindi alam ni Melissa ang mararamdaman ng mga oras na yun. Tinapik niya sa likod ang dating nobyo. Ilang minuto ri
