Napapitlag ang binata nang madama ang kamay ng dalagang humawak sa kanyang leeg. Napatitig siya dito, hinawakan niya ang kamay nito. Dinala sa kanyang labi, damang-dama ni Melissa ang init ng hininga ni Timothy. Napahawak siya sa dibdib pakiwari niya’y may sasabog na emosyon dito.
“Ba-baba na ako….mag-ingat ka pagda-drive!” paalam niya sa binata.
Tumango naman ito, tinanaw siya hanggang makapasok sa paaralan. Pagdating sa apartment ay hinanap kaagad ni Timothy ang gamot, wala na pala siyang stock. Humiga na lang siya, inisip niyang baka makuha naman sa pahinga. Bandang hapon ay nagising siya masakit na masakit ang ulo niya. Hindi siya makabangon. Nakarinig siya ng katok marahan siyang lumakad palapit sa pinto. Pagbukas niya ay bumungad ang dalaga, nagulat siya dahil alas-kuwatro pa lan
