Tulala ako ng bumalik ako sa mansion. Nang makita ako ni Henry ay masaya ako nitong nilapitan at binati ngunit nagtaka siya ng makitang umiiyak ako.
"Bakit ka umiiyak? May problema ba?" agarang tanong nito sa akin. Mapait akong ngumiti at nagpunas ng aking luha gamit ang aking kamay. Hindi ko siya sinagot. Nilampasan ko siya at dire-direcho lang akong umakyat ng kwarto. Maging ang mga kasambahay ay nagtataka sa hitsura ko dahil ang alam nila ay magkasama kami ni Sir Kier na umalis kanina. Hindi ko namalayan na sinundan pala ako ni Henry sa loob ng aking kwarto at nakita niyang nag i-impake na ako.
"Bakit ka nag-i-impake? Saan ka pupunta?" gulat na gulat na tanong niya. Bawat lagay ko ng mga damit sa lagayan ko ng gamit ay nakasunod ang mga mata niya.
"Teka nga! Bakit ka aalis? Pinalaya
