Sembreak na kaya naman nagdiriwang ang estudyante dahil bakasyon na. Masaya rin ako dahil makakauwi ako sa probinsya kahit ilang araw lang. Naalala kong hindi pa nga pala ako nakakapagpaalam kay Sir Kier ng tungkol sa balak kong pag-uwi pero balak ko ng sabihin mamaya pagka-uwi ko.
Naisipan kong dumaan muna sa mall bago umuwi. May natitira pa naman akong allowance kaya balak kong bilhan ng pasalubong si Tiyang Loleng. Tiyak na matutuwa yun kapag nalaman niyang uuwi ako ngayong bakasyon. Pumara ako ng tricycle at nagpahatid sa pinakamalapit na mall. Agad naman akong nakarating dahil malapit lang ang mall sa University na pinapasukan ko. Naka-uniform pa ako pero normal naman yata ito dito sa mga estudyante sa Maynila dahil may iba rin akong estudyante na nakikita naka-uniform pa habang nama
