Dumiretso kami ni Henry sa parking lot ng mall. Kung alam ko lang na nandito rin pala sila, hindi na sana ako pumunta. Mabuti na lang at hindi ko naiwan itong pinamili ko para kay Tiyang Loleng.
Ipinagbukas ako ni Henry ng pinto ng sasakyan. Bago ako sumakay ay iginala ko pa ang paningin ko. Hinahanap ng mga mata ko si Sir Kier at yung babae pero hindi ko makita. Mukhang nauna na yata silang dalawa.
Sumakay ako sa unahan katabi ng driver. Pareho kaming tahimik ni Henry habang nasa byahe. Gusto ko sanang tanungin kung ano ang ginagawa nila ni Sir Kier sa mall at kung sino ang babaeng kasama nila pero hindi ko maibuka ang bibig ko. Kapag titingin ako kay Henry ay saktong susulyap rin siya sa akin kaya nagkukunwari na lang akong may tinitingnan sa gilid niya.
"Bakit nga pala magkasama ka
