Kinaumagahan, pagkagising ko ay nagtatakbo na naman ako sa banyo. Pakiramdam ko ay hinahalukay na naman ang sikmura ko. Nahihilo rin ako, nanghihina at sobrang bigat din ng pakiramdam ko.
Naramdaman ko naman na pumasok si Kier at agad na hinagod ang likuran ko. Mukhang nagising ko yata siya sa mahimbing niyang pagkakatulog.
"Babe, gusto mo bang bumalik na tayo sa Manila?" Tanong niya sa akin. Kung babalik na kami sa Manila, hindi namin masusulit ang isang linggong honeymoon namin at hindi rin siya makakapunta sa kaarawan ng pinsan niyang si Zakari.
"H-huwag na muna, huwag mo akong alalahanin. Morning sickness lang ito at normal lang ito sa mga nagdadalang-tao."
"Basta kapag hindi maganda ang pakiramdam mo, sabihin mo kaagad sa akin at papupuntahin ko kaagad si Dok Mendez dito," sabi
