“Sige at dukutin niyo na ang dalawang ‘yan. Si Eva, takutin ninyong papatayin kapag hindi siya sumuko sa mga pulis at si Charmaine, kailangan niyong dalhin sa akin ng buhay. Maliwanag ba?” sunod-sunod na salita ni Thunder. Katawagan nito ngayon ang pinaka-leader ng sindikato na siyang binayaran niya para gawin ang pinag-uutos niya.
“Sige, Boss. Areglado!” sagot naman mula sa kabilang linya.
“Alam niyo na kung saan dadalhin si Charmaine. Sinabi ko na sa inyo ang lugar ng pagdadalhan sa kanya at siguraduhin ninyo na hindi siya makakatakas mula sa inyo,” wika pa ni Thunder.
“Oo, Boss,” sagot mula sa kabilang linya.
Ibinaba na ni Thunder ang tawag. Muling itinago sa bulsa ng suot niyang slack ang smartphone na ginamit. Tumingin siya kay Austin na seryosong nakatingin sa kanya. Narinig nito
