“Ano? Ayaw mo nang tumuloy sa pagpunta sa Amerika?” hindi makapaniwalang tanong ni Brandon na mabilis na tiningnan ang kapatid na si Austin. Nasa living room sila ngayon. Nakaupo sa mahabang sofa si Austin habang sa single sofa naman si Brandon.
Ngumiti nang maliit si Austin. “Nagbago na ang isip ko. Ayoko nang umalis ng bansa-”
“Pero Austin, naihanda na natin ang lahat para sa pag-alis,” mabilis na wika ni Brandon na pumutol sa sinasabi ni Austin.
Hindi nakapagsalita si Austin. Nagbaba siya ng tingin.
“Saka kailangan mo ring umalis ng bansang ito dahil sa halos nakilala ka na ng buong bayan dahil sa patuloy pa rin na kumakalat na video mo. Nakita mo ‘yung nangyari nu’ng isang araw? Nang pumunta tayo ng mall para mamasyal, pinagkaguluhan ka nila at binastos, kung ano-anong masasakit at
