Nakatulala habang nakatitig sa kawalan si Austin. Tuwid siyang nakatayo sa may terrace ng bahay nila. Tumatakbo sa isipan niya ang mga nangyari kanina at hindi niya mapigilang malungkot at higit sa lahat, masaktan ng dahil sa mga nangyaring iyon. Pakiramdam niya, isang nakakamatay na sakit ang dumapo sa kanya na unti-unting dumudurog sa kanya.
Hindi niya inaasahan ang mga iyon. Hindi niya inakalang matatapos rin pala kaagad ang kasiyahang nadarama niya. Kasiyahang dulot ng pag-ibig niya at hindi rin niya inakala na ang tatapos ng kasiyahang iyon ay ang lalaking labis niyang minamahal. Hindi niya inakala na ito ang mananakit ng ganito sa damdamin niya.
Kaninang kaharap ni Austin si Thunder, gusto niyang magwala sa harapan nito. Gusto niyang ilabas ang galit na kahit papaano’y naramdaman n
