“Kayo na ulit ang bahala dito sa mansyon at kay Winter. Gaya ng lagi kong bilin, kontakin niyo ako kaagad kung may hindi magandang mangyayari,” mariing bilin ni Thunder kay Jane at sa iba pang katulong ngayon na nakapila sa kanyang harapan at nasa living room. Nasa tabi naman ni Thunder si Austin at nakatingin lamang. Kailangan na kasi nilang bumalik muli sa Bulacan dahil una, para sa kumpanyang naiwan roon, pangalawa, a-attend pa sila sa kasal ni Yale at pangatlo at pinakamahalaga kung bakit sila babalik muli ay para tumulong na sa paghahanap kay Charmaine. Hanggang ngayon ay hindi pa rin siya nahahanap ng mga tauhan ni Thunder.
Sabay-sabay namang tumango ang lahat at sumang-ayon sa sinabi ni Thunder.
Ilang sandali pa ay niyakap ni Thunder si Winter na mababanaag na naman ang kalungkuta
