"Baby!" sigaw ni Chloe mula sa di-kalayuan habang may dala-dala itong basket.
Kumaway naman siya sa babaeng mahal niya bilang tugon.
Araw-araw ay pinupuntahan siya nito rito sa bukid para dalhan ng tanghalian.
Ayaw niya nga sana itong papuntahin dito kaya lang nagagalit naman ito sa kaniya.
Pinag-iisipan din siya nito ng masama kaya sa huli ay pinayagan na rin niya ito.
Gano'n talaga. Mahal niya, eh.
"Baby, kumain na tayo!" sabi nito nang makalapit ito sa kaniya. "Alas-dose na kaya! Kanina pa kita sinisenyasan na pumunta na roon sa lilim pero hindi ka naman lumalapit!"
"Bakit wala kang suot na sombrero? Ang init-init tapos wala kang suot na protection diyan sa ulo mo," sa halip ay sabi niya.
Medyo maikli rin ang suot nitong short kaya ang ilan sa mga kasamahan niya ay napapatin
