“Grabe, ang cute nila! Tingnan mo!” tila nakikiliting bulong sa akin ni Carrie habang nagmamasid kina Kuya Kaloy at Larina. Nandito kami ngayon sa bench na nasa ilalim ng palm trees kung saan kasama rin namin ang set designer.
Tahimik lang akong nakatulala sa dalawa habang ang mga kasama ko ay kaniya-kaniya sa komento. Pagkatapos ng lahat, ano pa nga bang masasabi ko? Masaya ako pero may kumikirot.
“Ah, mga tauhan sila nina Mossa?” tanong ng set designer. Kahit siya ay natutuwa sa dalawa.
Si Carrie naman ang sumagot sa kaniyang tanong. “Yes po. Eh shippers po kami, kaya napagdesisyunan namin ito.”
“Naku, kayo talaga. Mukhang ‘yong lalaki ay wala pa yata sa sarili. Sinorpresa niyo ba?”
“Opo.”
Huminga ako nang malalim. Tanging sulo na lang ang nagbibigay liwanag sa
