๑ ๑♡✿♡๑ ๑
LIAM's POV
Katulad ng araw-araw kong ginagawa ay gumising ako nang maaga at naghanda ng umagahan naming dalawa.
Dalawang pritong itlog, bacon at sinangag na lalamig lang mamaya paggising niya.
Mukhang pagod pa siya sa byahe at hindi pa rin nagigising hanggang ngayon, sabagay kailan ba gumising nang maaga 'yang si Kim.
Alam ko naman na parang call center sa gabi ang trabaho niya at tanghali na siya magising pero gusto ko sana siyang makasalo sa umagahan habang kinakain niya ang niluto ko para sa kaniya.
Tapos susubuan niya ko at magpapa-cute ako sa harap niya, kaso tulog mantika talaga 'tong si Kim eh panira talaga.
"Kailangan ko pa pala daanan si Teptep ngayon," bulong ko sa sarili ko at umupo na sa harap ng mesa at kumain mag-isa.
Napatingin ako sa pagkain na iiwan ko pa
