Pagdilat ng kanilang mga mata, wala na ang pamilyar na kisame ng dormitoryo, wala na ang lamig ng aircon at liwanag ng fluorescent lamp. Sa halip, bumungad sa kanila ang isang malawak at maringal na bulwagan na kumikislap sa ilalim ng liwanag ng mga kristal na nakasabit sa kisame.
Parang isang palasyo na gawa sa sinaunang bato at kristal—makukulay, matitibay, at makapangyarihan. Ang bawat dingding ay ukit ng mga simbolo ng kanilang lahi: mga mandirigmang bampira, mga koronang inililipat sa bawat henerasyon, at mga larawang sumisimbolo sa kasaysayan ng kanilang mundo.
Lumapag silang apat sa gitna ng bulwagan, ang mga alon ng enerhiya mula sa portal ay unti-unting naglaho. Nang tuluyang mawala ang liwanag, isang malakas na hiyawan ang bumungad sa kanila.
“Long live the Crown Prince!”
“Lo
