Pagkabalik ni Elton ay mas lalo akong kinabahan. Hindi na ako mapakali sa kinauupuan ko at mukhang napansin niya iyon.
"GG, are you okay?" aniya at hinawakan ang kamay ko. "Ang lamig ng kamoy mo," giit niya kaya hinablot ko ang kamay ko galing sa pagkakahawak niya.
"A-Ayos lang ako. Uh...first time ko kasi sa date," palusot ko kahit ang isip ko ay nasa babaeng lumapit kanina.
Hindi mukhang kumbensido si Elton sa sinabi ko at parang binabasa niya ang mukha ko.
"Fine," aniya at nakahinga na ako ng malalim.
Kahit sa pagkain namin ay hindi ko magawang mag-enjoy at malasahan ang kinakain ko. Lumilipad ang isip ko sa matandang babae. Sino kaya siya sa buhay ni Elton? Imposible namang ex niya 'yon, e ang tanda na no'n. Baka Mommy niya nga siguro 'yon. Pero paano naman niya ako nakilala?
"He
