Walang mapaglagyan ang inis ko nang malaman kong planado naman na talaga ng mga kaibigan niya na ito ang bahay na lilipatan namin. Pero may parte sa puso ko na hiniheli dahil sa sinabi ni Elton sa akin na ipinagawa na niya itong bahay noon pa man kahit na hindi pa kami nagkita ulit. Hindi ko lang makuha kung bakit niya ginagawa iyon.
Paano kung hindi na kami nagkita ulit?
"Pasensya na, GG. Walang personalan," ani Macsen na halata namang hindi seryoso sa sinabi.
Sabay-sabay kaming lahat nag-agahan kasama ang mga kaibigan niya at mamaya pa raw sila uuwi. Hinanap daw nila kami kagabi at wala silang kaalam-alam kung saan kami nanggaling ni Elton. Kung alam lang talaga nila na may sekretong kwarto ang bahay na 'to.
At ang nangyari kagabi...Napangiti ako.
"Oh, ngumiti na! Hindi na 'yan gali
