Dinala ako ni Elton sa library nitong bahay. Hindi ko na maikalma ang dibdib ko sa lakas ng pintig nito animo'y may nagkakarera sa loob. Nang makapasok kami sa library ay binaba niya ako. Muntik nang mapunta ang paningin ko sa hubad niyang katawan kaya nagmadali akong mag-iwas ng paningin.
"Oh come on. You have seen all of me. Ngayon ka pa mahihiya?" pabiro niyang sinabi sa likuran ko.
Umirap ako sa kawalan dahil tama nga naman siya. Pero matagal na 'yon! Hindi ko na maalala kung anong itsura ng ano niya. Teka...nakita ko ba iyon dati? Parang hindi naman. Madilim iyon, e.
"Ano iyan?" tanong ko dahil binubuklat niya ang isang libro animo'y may hinahanap siya roon. At isa pa, anong ginagawa namin dito sa library?
Napatingin siya sa akin na may pilyong ngiti sa kanyang labi. Kumunot ang
