HINDI SUMAMA sa business meeting ni Bea si Ryan. Ipinahatid siya nito sa assistant nito sa lugar ng meeting upang hindi na siya mahirapan sa pagko-commute. Nais siya nitong sunduin pagkatapos ng meeting, gayumpaman. Dahil gusto niyang makasama ang binata habang pareho silang libre at may oras, pumayag na siya. Nakalimutan niyang isaalang-alang na pugad ng paparazzi ang Los Angeles.
Naging maayos naman ang kanyang business meeting. Nakita ni Bea ang lugar ng pagtatayuan ng restaurant. It was a good location. Matao at malapit sa mga pasyalan. Siya mismo ang magde-develop ng menu at ipapasa niya ang responsibilidad ng construction at interior design sa ibang partners. Maganda naman ang pakiramdam ni Bea sa papasuking negosyo.
Sa isang restaurant ginanap ang meeting kaya doon na lamang siya
