OUT OF SIGHT, out of mind. Saan ba narinig ni Bea ang phrase na iyon? Talaga nga kayang naniniwala ang nagpauso niyon o sadyang kinukumbinsi rin nito ang sarili? Dahil hindi iyon totoo sa kanyang sitwasyon. She was missing Ryan. Miserably.
Nangulila rin si Bea sa binata sa nakalipas ngunit hindi ganoon kasidhi. Kung hindi niya gaanong pakakaisipin ay hindi gaanong mahirap. Ganoon ba talaga ang nagagawa ng s*x? Hindi naman ganoon sa mga liberated women na napapanood at nababasa niya. Hindi nakatulong ang pagiging masyado niyang abala sa trabaho at pagiging ina, sumasagi pa rin sa kanyang kamalayan si Ryan. Minsan ay hindi niya namamalayan. Minsan ay nahihirapan siyang ituon ang atensiyon sa isang task dahil masyadong abala ang kanyang isipan sa pag-iisip tungkol sa binata at sa nangyari s
