Mariing napapikit ng mga mata si Cathy. Inantay niya ang anumang sasabihin ni Ismael. Umaasa siya na sa sandali na ito ay sabihin na ng asawa ang lahat para na rin sa ikaluluwag ng kanyang kalooban.
Gusto niya masagot ang lahat ng tanong sa isip niya. Nais niya ng magkaroon ng impormasyon na kaya niyang pang-hawakan. Sa ganoon ay maging matatag ang pagtitiwala niya para kay Ismael.
Narinig ni Cathy ang malakas na pagbuga ng hininga ni Ismael mula sa kabilang linya.
(Naiintindihan ko, Cathy,) pagsuko ni Ismael sa kanyang pagpupumilit, (Pasensiya na dahil hindi ko naisip ang maaaring maging damdamin mo sa patuloy na pananahimik ko. Masyado lang ako natakot na baka ma-stress ka nang dahil kay Amanda. Pero hindi ko naisip na lalo lang pala kita binigyan ng stress dahil sa patuloy na panana
