Pagkatapos ko marinig ang mga payo ng kaibigan ko ay biglang napahawak ako sa tapat ng aking dibdib dahil sa malakas na kumabog ito. Pakiramdam ko bigla ay may isang delubyo na darating para bigla ako kabahan na ganito.
"Uy Cathy, ayos ka lang diyan?" pagpansin sa akin ni Riya dahil sa natigilan ako sa gitna ng aming pag-uusap.
"Ah... B-Bigla kasi ako kinabahan," pag-amin ko at ninenerbiyos na tinignan sila, "H-Hindi talaga maganda ang kutob ko. Pakiramdam ko ay may mahalagang bagay na mawawala sa akin."
Doon ay humugot ng malalim si Zuri at matamam ako na tinignan sa mga mata. Naramdaman ko naman ang paghawak sa aking kamay ni Riya para pakalmahin ako.
"T-This feeling... T-Tingin ko may kinalaman ito kay Amanda..." kinakabahang dagdag ko pa, "M-Mukhang may binabalak na naman siya..."
