Labis ang kaba ko nang makita ko na tumawag sa akin si Ismael. Nag-alangan pa ako nang una na sagutin ito dahil sa takot na baka nakarating na sa kanya ang mga kumakalat na balita tungkol sa akin.
Ang balita kung saan si Eric Ramirez ang kinikilalang ama ng batang dinadala ko ngayon.
Kaya sa ikatlong pag-ring ng tawag ni Ismael ay inihanda ko ang aking sarili na salubungin ang kanyang nagagalit na boses. Kaya laking gulat ko na lang nang isang masayang boses ang ibinungad niya sa akin. Senyales na wala pa rin siya kaide-ideya sa nangyayari rito sa Pilipinas.
Hindi ko tuloy alam kung makakabuti ba ito sa sitwasyon ko o hindi. Kasi kung lalo ko lang patatagalin ito ay baka lumalala lang ang buong sitwasyon.
Ngunit kung iisipin naman mabuti ang sitwasyon ay hindi ko kayang sirain ang ka
