Kanina pa ako nagpabalik balik ng lakad habang maya't maya ang pagsilip sa orasan na nasa dingding. Anumang gawin ko ay hindi ako mapirmi sa iisang lugar.
"Cathy, anak, maupo ka nga muna," pagpigil sa akin ni mama, "Buntis ka pa naman baka mamaya at madapa ka pa riyan sa ginagawa mo."
"Oo nga naman, Cathy. Baka kakalakad mo riyan ay bigla ka na lang manganak 'no!" suway naman sa akin ni Zuri.
Dahil sa sinabi nila ay saglit na napatigil ako sa kakalakad. Ngunit pagkalipas lang din ng ilang sandali ay hindi ko mapigilan na magpatuloy sa aking ginagawa.
Kaya sa huli ay sabay na napabuntong hininga sina mama at Zuri bago napailing ng kanilang ulo. Alam nila na kahit ilang beses nila ako punahin ay hindi ako mapipirmi sa iisang tabi.
"Anong oras na ba?" pagtatanong naman ni papa mula sa l
