Dahil nasa oras na talaga ng kagipitan ay hindi na nag-alinlangan pa si Ismael na tanggapin ang mga tulong na iyon nina Mr. Sy. Alam niya na sa pagkakataon na ito ay hindi na siya maisasalba pa ng kanyang pride. Kaya nahihiya man sa kinalaladsakan na sitwasyon ay taos pusong tinanggap niya ang mga investment na inaalok ng mga ito sa kanya.
Agarang tinawagan ni Ismael ang mga kaibigang negosyante para pagdiskusyunan na rin ang tungkol sa offer nila. Nagbigay pa siya ng pangako sa mga ito na ibabalik niya balang araw ang pabor na ito sa kanila.
Ngunit agarang tinanggihan iyon ng mga kaibigang negosyante niya.
(Hindi ka naman iba sa amin, Mr. Alcazar... Baka nakakalimutan mo na mga ninong mo rin kami sa kasal,) humahalakhak na sambit ni Mr. Sy sa kalagitnaan ng kanilang video meeting, (Ib
