BROKEN HARMONY 20
“Ang ganda!” mangha na sabi ni Dine habang nakatingin sa papalabas na araw mula sa gitna ng dagat.
Nakatingin kaming lahat sa kalangitan kung saan ang araw ay unti-unting niluluwa ng karagatan. Magkakatabi kaming lahat at nakaupo mula sa puting buhangin habang dinadama ang malakas na hangin na tumatama sa aming mga balat.
Sinadya namin ang gumising ng maaga upang masaksihan ang paglabas ng araw. Hindi namin ‘to nagawa kahapon ng umaga dahil na din sa kalasingan at pagod ng lahat mula sa byahe namin papunta dito.
“Mas kitang-kita pala ang paglabas ng araw dito kesa sa nakaraan nating pinuntahan,” dinig ko na sabi ni Denise kay Cholo habang nakapatong ang ulo nito sa balikat ng kasintahan.
“Babalik tayo dito sa susunod.” Sagot ng binata sa kanya bago hinalikan ang kany
