Maganda ang sinag ng araw mula sa labas ng bintana, ang mga tao sa loob ng kanyang silid ay abala sa pag-aayos sa kanya. Mula sa make up, wedding dress, maliit na kurona pati na din ang kumukuha ng kanyang mga larawan.
“Sigurado kami na ikaw ang pinakamaganda sa araw na ‘to, Miss Cruz.” Nakangiti na tugon ng make-up artist at inayos ang lipstick na inilagay sa kanyang mga labi.
Ngumiti na lamang si Prestine at tinignan ang kanyang buong sarili sa isang malaking salamin na nasa kanyang harapan. Hindi niya naisip na isang araw ay magsusuot din siya ng ganitong gown, hindi din niya naisip na papasok siya sa isang relasyon at mag-aasawa.
Hindi niya namalayan ang pagpasok ni Denise, Dine, at Danica sa kanyang kwarto. Parehas ang suot ni Denise at Dine na kulay puti na umaabot sa kanilang lam
