BHARMONY 31
Wala ng ibang tao sa daan, tanging mga sasakyan na lamang ang andon at ang iba naman ay nanatiling nakatayo sa isang bus station upang maghintay sa mga susunod pa na bus na darating. Byernes na ng gabi at pakiramdam ni Prestine ay sobrang haba na ng itinagal niya sa loob ng kompanya nila, hindi dahil sa dami ng pinapagawa sa kanya kundi ang mga nasasaksihan niyang pang-aalipusta ng mga empleyado sa mga kasamahan niya pati na din sa kanya.
“Prestine, akala namin ay nakauwi ka na kanina pa.” kumakaway na ani ni Ivy sa kanya bago ‘to lumapit sa kanya at inakbayan siya sa kanyang balikat, “Gusto mo ba sumama sa ‘min? Pupunta kami sa parke na hindi kalayuan dito. Ang balita namin ay masasarap at bago ang inihahain nila doon tsaka malawak din ang buong lugar.” Nakangiting pag-aaya
