"It's my treat now!"
"Iyon, oh! Sponsor ng tropa," masayang komento ni Gelo habang palabas kami ng establisyemento ng kompanya para tahakin ang parking space.
"Oo nga, eh. Nasasanay ka na nga sa libre. Ang kapal-kapal talaga ng balat ng mukha mo," sabat naman ni Dylan habang pinagdidiinan ang salitang ‘kapal’. Natawa naman kaming lahat dahil alam naming ito na ang hudyat para magbangayan na naman ang dalawa.
"Wow, Dylan! Isang beses ka pa lang nanlilibre, huwag kang mayabang d'yan!" segunda naman ni Gelo.
"Atleast ako, nakapanlibre na. Ikaw, ni isang beses ay wala pa."
"Noong birthday ko inimbitahan ko kayo, ah! Parang 'di ka nag-uwi ng lumpiang shanghai, ah," ani Gelo na ikinahagalpa na namin ng tawa.
"Cheska, silang dalawa na lang muna ang manlilibre ngayon. Ang daming sinasabi, eh
