ARAW ng dalaw sa correctional. Dalawang buwan na hindi nadalaw ni Devyn ang lola niya. Hindi niya alam kung paano sasabihin sa sa matanda na hindi pa niya nakakausap ang binatang Sable. Hindi pa niya napapakiusapan ang mga Sable na hayaang makalaya ang lola niya. Sa tuwing dumadalaw siya ay nagtatanong ito kung ano nang balita sa kaso niya. Wala siyang ibang maisagot. Kundi ang maghintay.
Nahahati ang puso niya sa dalawang taong importante sa buhay niya. Sino ba ang pipiliin niya? Si Ryder ba na minahal na ng puso niya o ang lola niya na siyang tanging naging kasama at karamay niya sa lahat?
Simula noong isilang siya ay si Lola Pacita niya ang nagpalaki at nag alaga sa kanya. Ang mama niya ay nag iisang anak ni Lola Pacita. Wala siyang natatandaan na mukha ng mga kapatid niya. Pati ang
