MABILIS lumipas ang mga araw at linggo. Nagpatuloy ang palihim na relasyon nila Luke at Chelsea. Tahimik lang din si Chloe na pinapakiramdaman ang mga ito.
“Sweetheart?”
“Yes, love?”
Napangiti si Luke na kinilig sa sagot nito. Kahit dati na siyang tinatawag na love ni Chelsea ay hindi nito mapigilang kiligin sa tuwing iyon ang itatawag sa kanya ng dalaga.
“Uhm, patimpla naman ng kape, sweetheart. Inaantok na ako,” paglalambing nito sa dalaga.
Ngumiti si Chelsea na tumayo na mula sa swivel chair nito.
“Kape lang ba ang kailangan ng love ko?” makahulugang bulong nito na yumakap kay Luke.
Natawa naman ito na kinarga ang dalaga at pinaupo sa mesa nito. Napakapit ito sa baywang ni Chelsea na may pilyong ngiting naglalaro sa mga labi.
“Ikaw. Kape lang ba ang gusto mong ialok, hmm?
