TAHIMIK ang dalawa na nakatulala. Magkatabi sa kama na malalim ang iniisip. Mabuti na lang at napapayag din ni Chelsea si Therese na manatili na muna sa kanila at malakas ang ulan. Dinala niya ito sa kanyang silid at pinahiram din ng kanyang damit.
Nasa guestroom naman si Luke. Hindi rin ito nakauwi dala ng sama ng panahon. Masyado na kasing malakas ang ulan at nagsimula na ring bumaha sa kalsada. Tiyak na titirik lang ang sasakyan nito sa daan kaya sa mansion ng mga Montereal na rin ito nagpalipas ng gabi.
“Hey, ladies. I bring milk for the both of you.”
Napalingon sila sa may pinto na may nagsalita mula doon. Si Chaderick. Ang nakababatang kapatid ni Chelsea. Pilit ngumiti ang dalawa na nakamata sa binatang lumapit sa kanila na may dalang dalawang baso ng mainit na gatas.
“Thank y
