Sa tahanan ng mga Santillan, ay maagang naghapunan ang mag-ama. Si Mang Enrico ay pasipat-sipat sa anak na seryosong kumakain.
Nagtataka naman si Erica sa inaakto ng ama. Kanina pa ito patingin-tingin sa kanya. May gusto bang sabihin ang ama sa kanya?
"Kanina ko pa po kayo napapansin Tay, may gusto ka bang sabihin sa akin?" usisa ni Erica sa ama.
"Tapusin muna natin ang hapunan bago tayo mag usap," pahayag ng ama.
Lalong naintriga si Erica pero gayunpaman ay iginalang niya ang salita nitong mamaya pa niya malalaman ang pakay.
Matapos ang hapunan ay kaagad nagligpit ng pinagkainan si Erica. Sinigurado niyang walang maiiiwang dumi sa lamesa pati na sa lababo.
"Anak, makinig ka. At sana ay maintindihan mo ang pinanggagalingan ng naging pasya ko. Huwag kang magtampo sa akin dahil ta
