Naging tsismis sa lugar nila Erica ang pagbisita ng lasing ni Gavin sa kanilang tahanan. At bunsod ng pangyayaring iyon ay minabuti na ng mga Angeles na sa kanila na manuluyan si Erica. Asiwa siya sa mga tingin ipinupukol sa kanya lalong lalo na ni Aling Nora, ang ina ni Genevieve. Tiningnan siya nito mula ulo hanggang paa ng hindi nakatingin ang mga amo. Napaismid ito sa kanya dahil alam niyang ang anak nitong dalaga ang nagpakalat ng tsismis tungkol sa pagdalaw ni Gavin sa kanilang bahay na nakainom. Nakakatawa pa dahil si Genevieve pa itong alam nilang lahat na patay na patay sa kanilang binata na amo. Kung si Tinay ay puntirya si Gavin, ang una naman ay si Harvey naman ang kinahuhumalingan.
Magiliw siyang tinanggap ng magiging biyenan. Si Harvey ay nasa tabi ng ina at kinuha na ang k
