Ilang araw na, magmula nang umuwi ako dito sa bahay. Ang katotohanan na nilantad ni Daddy, tungkol sa aming pamilya, ay akala ko magbibigay-daan para maayos ang lahat. Pero ang nangyari, mas lumala pa.
Parang mas lalo gumulo. Si Uncle Sancho, madalas pumunta sa bahay namin. Hindi ko alam kung ano ang dapat kong maramdaman. Naiilang na rin ako, dahil nag-aaway sila ni Daddy sa pag-aalaga kay Noah, ang aking nag-iisang anak.
Ang mga sigawan nila, ang mga matatalim na salita, nakakapagod na minsan. Si Noah, sa gitna ng lahat, ay tahimik na nagmamasid, ang kanyang maliliit na mata ay halata ang tuwa na may halong pagtataka. Ang alam siguro ng kawawa kong anak, nilalaro lang siya ng dalawang matanda.
Si Aling Olivia, na Mommy na rin ang tawag ko, bumalik na sa kanyang maliit na negosyo s
